رد لما جيت

من طرف alnfeedabi الأربعاء أغسطس 25, 2010 9:52 pm

اولاً التهاني الحاره ابعثها لاهلنا بمنطقة ام الطيور بهذا المنتدئ الجميل والذي يمثل ملتقي لاهل هذه المنطقة داخل وخارج القطر وخاصة ان العالم اليوم اصبح بمثابة غرفة صغيرة او قرية ضغيرة فهنيئا لكم هذا المنتدئ . والتهانئ عبركم لاخونا معتصم الخضر وهو زملينا بالخدمة الوطنية بالولاية ومن الذين وجهوا لي الدعوة بالمشاركة في هذا المنتدئ فله مني خالص الشكر والتقدير . واقدم اول مشاركة وهي قصيدة قمت بتاليفها قريبا بلسان فتاة ترد علي الشاعر عوض الله فرح في قصديته المشهورة ( لما جيت انا طالب ايدك) التي لحنها وغناها الفنان الكبير حافظ ابن منطقة مبيريكه فالتحيه لهم جميعاً .... فالي الي القصيدة :
انا ما قت ليك ما بريدك إلا يمكن براك نسيت
وكم سعيت لوصالك ولفرقه ابداً ما نــويت
وكنت قايله ريدك صادق لما إنت لي حكـيت
وحاشا ما قصرت فيك ووراك انا كم شـقيت
ما إنت املي ومنايا وكنت دايراك لي شــريك
انا ما حـرمتك من حـناني رغـماً إنك شكيت
والمظاهر ما خـداعه بس لـو فكـرت ووعيت
إلا براك درتا الفـراق وفوق دربـو كمان سعيت
ولـو جابو لك مني قـول او قالو لك عليك ختيت
حـقو تسـأل لقليبك الأنا ليهـو كـم هـويـت
شايفا صـورتك في منامي ومـن خيالي ما مشـيت
وحَـتْ عيوني جافت نـوما ومافي يوما ما بكيـت
إلا قـلبك إنـت قاسـي وتَـبْ عـليْ ما حنـيت
ما دايـر تلعـب بمشاعـري وما من قلبك لي حـبيت
عايشا عمري كلو احـزان ومـافي يــوماً في اتـهنيت
لأنـو الـدنيا ليك وعليك كان رضـيت ولا ابـيـت
إلا لسـه ما بنسـاك وحـت لو إنـت لـــْي نسيـت
ويبقـي منايا اشـــوفك مــره لأني غـيرك ما حـبيت