قصيدة شعر اعجبتنى

اذهب الى الأسفل

قصيدة شعر اعجبتنى

مُساهمة من طرف نان في الأحد ديسمبر 12, 2010 1:59 pm


Sad تَانى كاتب لىَّ خبارك
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا Crying or Very sad
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
*** cheers
ويبقى ردى على جوابك
يا جميل الرجعه لا...لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***

sunny



والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
....
وكنت برضو....!!
ممكن أهديك نور عيونى



شان عيونك منّى يرضو...!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك

وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك

نان
عضؤجديد

عدد المساهمات : 1
نقاط : 3
السٌّمعَة : 0
تاريخ التسجيل : 12/12/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى